Wiil Dhallinyaro oo magaciisa lagu soo koobay Radhakrishnan, una dhashay dalka Hindiya ayaa waxaa bil ka hor laga qafaashay gudaha dalka Turkiye.
Wiilkaasi oo Saxuun-dhaqe ka ahaa Baar ku yaalla magaalladda Istanbul ee dalka Turkiye waxaa qafaashay 3 Nin oo Pakistani ah, kuwaasi oo ka dalbaday Lacag Madax Furasho oo dhan 2 milyan ee Lacagta Rubiga Hindiya (two million Indian rupees) oo u dhiganta ilaa 24,000 oo Dollarka Maraykanka.
Boliska dalka Turkiye waxay shalay oo Axad ahayd sheegeen inay gacanta ku soo dhigeen 3 Pakistaani Magangelyo-doon ahaa, kuwaasi oo ku eedeysan inay Muwaadin Hindi ah ku afduubteen magaalladda Edirine.
Wararka ayaa sheegay in ay Afduubayaasha bil ka hor u sheegeen Dhibanaha inay Shaqo Turjumaan uga heleen Shirkad, waxayna u kaxeeyeen magaalladda Edirne.
Boliska Turkish-ka waxay Warbaahinta Maxaliga u sheegeen inay fuliyeen Hawlgal lagu soo badbaadiyey Dhibanaha oo Lugaha iyo Gacmaha la xiran, iyadoo Afduubayaasha ay Muuqaalo u direen Qoyska Dhibanaha oo ay ku cabsi geliyeen iyo inay bixiyaan Lacagta Laaluushka.
Dhinaca kale, Boliska waxay Hawlgalkaasi ku soo qabteen Afduubayaashii, Hub sharci daro ah, 4 Bistoolad iyo Lacag aan cadadeeda la shaacinin.
Sidoo kale, Boliska waxay qabteen Muwaadin Turkish ah oo la sheegay inuu Afduubayaasha siiyey Hoy ay gabaad ka dhigteen.
W/,T staad Nuradin Abuukar