Ugu yaraan 10 qof ayaa ku dhaawacantay waqooyiga Israa’iil Arbacadii ka dib markii ay weerar diyaaradeed oo ka timid kooxda xagjirka ah ee Hezbollah ee Lubnaan, sida ay sheegeen mas’uuliyiinta Israa’iil.
Hal qof ayaa si xun u dhaawacmay, mid dhexdhexaad ah iyo siddeed fudud, sida uu sheegay guddiga adeegga degdegga ah ee Israa’iil. Mid ka mid ah Darawalada Ambalaasta ayaa sidoo kale ku dhaawacmay firir markii uu soo gaaray goobta uu weerarku ka dhacay.
Dhowr gantaal oo laga soo tuuray Lubnaan ayaa ku soo dhacay Hurfeish, oo ah magaalo ku taal waqooyiga Israa’iil, sida laga soo xigtay Ciidamada Difaaca Israa’iil (IDF)
Netanyahu ayaa maanta booqday deegaannada ku dhow xadduudka Lubnaan, halkaasoo uu ku fiday dab ka dhashay weerarrada ay Xisbullah ka gaysanayso saldhigyada iyo deegaannada ay Israa’iil haysato ee waqooyiga.
Dabka ka dhashay gantaallada Xisbullah ayaa dhaliyay dhul badan oo ay ku jiraan qayb ahaan saldhigyo ciidan inuu is qabsado, iyadoo warbaahinta ay ku sheegtay inuu dabkan yahay midkii ugu saameynta ballaarna 15 sanno kaddib. Xaaladda sii xumaynaysa ee waqooyiga ayaa sidoo kale ka dhalisay gudaha Israa’iil xiisad siyaasadeed, markii hoggaamiyaha mucaaradka, Yair Lapid uu sheegay waxa gubanaya kaliya inaysan dhul ahayne, sidoo kalana inuu Netanyahu dab qabad-siiyay Israa’iil, isagoo markaa dawladda Netanyahu ku sheegay middii ugu xumeyd ee taariikhda Israa’iil.
Warbaahinta Israa’iil ayaa ku warramaysa suurtagalnimada dagaal rasmi ah oo toddobaadyadan dhexmari kara Israa’iil iyo Xisbullah, iyadoo Israa’iil ay labo laab sare u qaaday tirada ciidanka kaydka ee la geeyay saldhigyada ku dhow xadduudka Lubnaan, xilli uu Netanyahu ballanqaaday inay jawaab adag ka bixin doonaan weerarrada ka dhashay dabka ku fidaya deegaannada ku dhow xadduudka.
Ururka Xisbullah ee ay Iran taageerto ayaa bilihii lasoo dhaafay kordhiyay weerarada ka dhanka ah xadka Israa’iil, iyagoo sheegay inay ka soo horjeedaan dagaalka Israa’iil ee Gaza.
