Madaxweynaha Golaha Madaxtooyada Liibiya Mudane Dr. Maxamed Yuunis Al-Manfi ayaa warqadaha aqoonsiga danjirannimo ka guddoomay Safiirka cusub ee Jamhuuriyadda Federaalka Soomaaliya u qaabilsanaan doona dalka Liibiya mudane Cabdi Aadan Diiriye.
Safiirka ayaa warqadaha looga gudoomay munaasabad ka dhacday madaxtooyada Tripoli.
Safiirka ayaa kasoo muuqday warbaahinta isagoo xiran dhar u muuqda kuwa dhaqameedka dalkaasi taasoo uu kala kulmay dhaleeceyn oo baraha bulshada loo mariyey
Danjire Diiriye ayaa dad badan oo ka fal-celiyay arrintan waxay sheegeen in ugu yaraan ay aheyd inuu xirto dharka hidaha iyo dhaqan ee dalka uu metelayo ee Soomaaliya halkii uu xiran lahaa dharka dhaqanka ee dalka martida u yahay.
“Safiirku waajibaadkiisa waxaa ka mid ah inuu ilaaliyo dhaqanka iyo hidaha dalka uu matalayo, safiirkeena Liibiya waxaa uu ku kacay arrin taas khilaafsan” ayuu yiri mid ka mid ah dadka sida weyn uga falceliyey arrintan.
