Home Warka Maanta Soomaaliya oo jawaab ka bixisay go’aankii Kenya

Soomaaliya oo jawaab ka bixisay go’aankii Kenya

Muqdisho (Allbanaadir Media) – Wasiirka wasaaradda warfaafinta xukuumadda Soomaaliya, Mudane Cismaan Abuukar Dubbe oo la hadlay BBC-da ayaa jawaab ka bixiyey go’aanka kasoo baxay Kenya ay ee ku xireyso xeryaha Dhadhaab & Kaakuma.

Dubbe ayaa marka hore shaaca ka qaaday in Kenya ayna xeri karin labadaasi xero ayna qasab kusoo celin karin qaxootiga Soomaaliya oo uu tilmaamay  inay ku joogaan sharci caalami ah.

“Qaxootiga waxa uu ku fadhiyaa xeerka caalimaga ah ee qaxootiga ee loo yaqaan Geneva Convention marka sidaasi darteed Kenya xaq uma lahan inay si khasab ah ku celiso qaxootiga,” ayuu wareysiga uu siiyey BBCida ku yiri wasir Dubbe.

Sidoo kale wuxuu intaasi ku daray in Kenya ay siyaasadeyneyso arrimaha qaxootiga, islamarkaana ay wado argoosi, sida uu hadalka u dhigay.

“Arrimaha siyaasadda waxay ka dhaxeeyaan labada dal, kiis baa maxkamadda yaalla oo weli go’aan laga gaarin, arrimhii Jabhadaha baan hadda xalkoodii helnay,Marka haddii lagaaga adkaaday siyaasadda ma ahan inaad ka aar-goosato dadka qaxootiga ah,” ayuu sii raaciyey.

Ugu dambeyn wuxuu hoosta ka xariiqay in Kenya dan badan ugu jirto qaxootiga deggan dalkeeda, islamarkaana ay ku hesho dhaqaale xoog leh.

Hadalkan ayaa kusoo aadaya, iyada oo Kenya ay shaacisay in labo todobaad kaddib ay albaabda isugu dhufan doonto xeryaha qaxootiga ee Dhahdhaab & Kaakuma ee dalkaasi.

Source link