DEG DEG Askari Katirsan DF Somalia oo Darawal Booto Bajaaj ku dilay Muqdisho

Faah faahino dheeraad ah ayaa ka soo baxaya Askari ka tirsan Ciidanka dowladda Soomaaliya oo xalay Darawal Mooto Bajaaj ku dilay gudaha Degmada Cabdicasiis ee Gobolka Banaadir.

Dilkan ayaa waxaa uu sigaar ah uga dhacay agagaarka Xeebta Liido ee Degmada Cabdicasiis, waxaana Askariga uu rasaas ku dhuftay Darawalka xili uu ku sugnaa halkaas.

Dad ku sugnaa goobta uu falka dilka ah ka dhacay ayaa inoo sheegay in dilka uu ka dambeeyay kadib markii muran yar uu dhexmaray Askariga dowladda iyo Darawalka Mooto Bajaajta, iyadoo ugu dambeyna la toogtay Wiilka.

Intaasi kadib waxaa goobta ka baxsaday Askarigii falka fuliyay, isla markaana waxaa goobta gaaray Ciidamo Boolis ah oo xiligaas aaga ku sugnaa, iyagoon halkaas ka qaaday Meydka Darawalkio Mooto Bajaajta.
Magaalada Muqdisho ayaa inta badan waxaa ka dhaca dilalka loo geysto dhalinyarada ku Shaqeysata Mooto Bajaajta, kuwaasi oo ay geystaan Askarta ka tirsan Ciidanka dowladda Federaalka Soomaaliya.

DAAWO MUUQAALKA