Home Wararka XOG: MD Farmaajo oo sii dheereystay socdaalkiisa dalka Qatar & Qorshe loo...

XOG: MD Farmaajo oo sii dheereystay socdaalkiisa dalka Qatar & Qorshe loo degay Madaxda M/Goboleedyada.

550

Madaxweynaha Soomaaliya Maxamed C/llaahi Farmaajo oo booqasho rasmi ah ku jooga dalka Qatar ayaa sii dheereystay socdaalkiisa oo markii hore la sheegay inuu qaadanayo 2 maalmood.

Arrintan ayaa xogta la helay sheegeysaa in ujeedka madaxweynaha ay tahay inuu ka baaqsado shirka amniga ee madaxda maamul Goboleedyada iyo dowladda Federaalka ku yeelan lahaayeen magaalada Baydhaba.

Guddoomiyaha Baarlamaanka Soomaaliya Maxamed Mursal Sheekh C/raxmaan oo ah kusimaha Madaxweynaha ayaa maanta ku sii jeeda magaalada Baydhabo si uu uga qeybgalo shirka, isagoo metelaya madaxweynaha, kana qeyb galaya shirka Amniga ee dowladda Federaalka iyo maamul Gobileedyada.

Lama oga in madaxda maamul Goboleedyada ay aqbali doonaan arrintan, iyagoo sugayey inay shirka kala soo qeyb galo Madaxweyne Farmaajo, waxaana culeys weyn saaran yahay madaxweynaha Puntland C/weli Gaas oo la sheegay inuu doonayo inuu si degdeg ugu laabto Garowe, kadib dagaalka ka qarxay degaanka Tukaraq.

SHARE